Category Archives: حروف من ذهب
الدموع اللي أحبسهـــــــا طوال السنين
الدموع اللي أحبسهـــــــا طوال السنين
كلهــــا في ضحى ذا العيد نزلتهـــــــــا
والله إني ((جريح)) ووالله إني حزيــن
وياليت حزني طبيعه كان بدلتهـــــــــا
مير حزني من الصده وطول الحنيــــن
وخيبة آمالي اللي فيـــــك أملتهـــــــــا
ياموقف علاقتنا مابيــن وما بيـــــــن
لاتراجعت منها ولاكملتهـــــــــــــــــــا
كان مرخصني الـــله مايرخص ثميــن
وكان جافي زعل تـــراك طولتهــــــــا
عايــدوك المسيحين والمســـــلميــــن
وانا روحي على معايــدك عللتهـــــــا
ياحسافه على الرفقه وحب السنيــــن
حتى كل عام وانت بخيــر ماقلتهـــــا
للشاعر/ سعد علوش
غريب الدار
غريب الدار ومناي التسلي
أسلي خاطري عن حب خلي
سمعت الشور من قاصر معرفه
يحسب البعد عن داره يسلي
أسافر عنه من ديره لديره
عساي اسلاه لكن ما حصلي
أهوجس فيه وأنسى إني نسيته
وأفكر في ليالي(ن) قد مضن لي
وأنا لاجيت أبنساه إلتوابي
خياله وأنهمر دمعي يهلي
وأشوفه واقف(ن) من دون دمعي
حبيب القلب في عيني يهلي
دعاني ياغريب الدار عوّد
ترى مالك محل إلا محلي
مكانك في عيوني ياعيوني
وقلبي من غرامك مايملي
الأمير الشاعر / خالد الفيصل